IX

1 Relinquebatur una per Sequanos via, qua Sequanis invitis propter angustias ire non poterant.

2 His cum sua sponte persuadere non possent, legatos ad Dumnorigem Haeduum mittunt, ut eo deprecatore a Sequanis impetrarent.

3 Dumnorix gratia et largitione apud Sequanos plurimum poterat et Helvetiis erat amicus, quod ex ea civitate Orgetorigis filiam in matrimonium duxerat, et cupiditate regni adductus novis rebus studebat et quam plurimas civitates suo beneficio habere obstrictas volebat.

4 Itaque rem suscipit et a Sequanis impetrat, ut per fines suos Helvetios ire patiantur, obsidesque uti inter sese dent, perficit: Sequani, ne itinere Helvetios prohibeant, Helvetii, ut sine maleficio et iniuria transeant.

Kommentar zu IX

relinqui, relinquor

übrig bleiben

deprecator, deprecatoris m.

Fürsprecher

eo deprecatore

durch dessen Fürsprache

impetrarent

(sc.) iter

gratia, gratiae f.

Beliebtheit

largitio, largitionis f.

Freigiebigkeit

res novae, rerum novarum f.

Umsturz, Änderung der politischen Verhältnisse

obstrictus, obstricta, obstrictum

verpflichtet