VI

1 Erant omnino itinera duo, quibus itineribus domo exire possent: unum per Sequanos, angustum et difficile, inter montem Iuram et flumen Rhodanum, vix qua singuli carri ducerentur; mons autem altissimus impendebat, ut facile per pauci prohibere possent;

2 alterum per provinciam nostram, multo facilius atque expeditius, propterea quod inter fines Helvetiorum et Allobrogum, qui nuper pacati erant, Rhodanus fluit isque nonnullis locis vado transitur.

3 Extremum oppidum Allobrogum est proximumque Helvetiorum finibus Genava. Ex eo oppido pons ad Helvetios pertinet. Allobrogibus sese vel persuasuros, quod nondum bono animo in populum Romanum viderentur, existimabant, vel vi coacturos, ut per suos fines eos ire paterentur.

4 Omnibus rebus ad profectionem comparatis diem dicunt, qua die ad ripam Rhodani omnes conveniant. Is dies erat a. d. V. Kalendas Apriles L. Pisone A. Gabinio consulibus.

Kommentar zu VI

omnino

nur

impendere, impendeo

darüberhängen

expeditus, expedita, expeditum

bequem

nuper

erst, kürzlich

vadum, vadi n.

Furt

Genava, Genavae f.

Genf

vel - vel

entweder - oder

nondum

noch nicht

ante diem quintum Kalendas Apriles

= die quinto Kalendas Apriles = am 28. März 58 v. Chr.